Կառավարությունն այսօրվա նիստին 4,6 միլիոն դրամ հատկացրեց Արտակարգ իրավիճակների նախարարությանը։ Այդ գումարը նախատեսված է վճարել հրդեհաշիջման աշխատանքներ իրականացնելու նպատակով պատվիրված ուղղաթիռներով թռիչքների համար։

ԱԻՆ-ը Կառավարությանը հայտնել է, որ 2019 թվականի հուլիս-օգոստոս ամիսներն աննախադեպ են եղել հրդեհների տարածվածությունը, անտառներում և այլ բուսածածկ տարածքներում հրդեհաշիջման աշխատանքները:

«Այդ ընթացքում անհրաժեշտություն առաջացավ մասնագիտական գործառույթներն իրականացնել նաև ուղղաթիռների միջոցով, որոնց շնորհիվ հնարավոր եղավ անտառներում և այլ բուսածածկ տարածքներում իրավիճակը հսկողության տակ պահելու հանգամանքը ավելի արդյունավետ դարձնել»,- գործադիր ներկայացված որոշման նախագծում նշել է Արտակարգ իրավիճակների նախարարությունը։