Ոստիկանության մամուլի ծառայությունը տեղեկացնում է, որ դեկտեմբերի 19-ին ոստիկանության Կոտայքի բաժնի Բյուրեղավանի բաժանմունքի ծառայողները, օպերատիվ-հետախուզական միջոցառումների արդյունքում, տեղեկություններ ստացան, որ Բյուրեղավանի բնակիչ, 31-ամյա մի տղամարդ ապօրինի հրազեն է պահում։ Կոտայքի բաժնում քրեական գործ հարուցվեց, որի շրջանակներում, դատարանի վորոշմամբ, դեկտեմբերի 22-ին Կոտայքի ոստիկաններն ու ԿՀԴՊ գլխավոր վարչության ծառայողները խուզարկեցին տղամարդու բնակարանը։

Հայտնաբերվեցին գորածարանային համարով «Մակարով» ատրճանակ ու դարձյալ գործարանային համարով մեկփողանի հրացան։ Բնակարանատիրոջ հայտնածով՝ դրանք իրեն են։

Ատրճանակն ու հրացանն առգրավվել և ուղարկվել են դատաձգաբանական փորձաքննության։

Հարուցված քրեական գործի նախաքննությունը շարունակվում է։