HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Կառավարությունը ուժը կորցրած ճանաչեց «Երեխաների քաղաք»-ի կառուցման մասին որոշումը

Կառավարությունը ուժը կորցրած ճանաչեց օգոստոս ամսին ընդունած՝ «Հայկական Կարիտաս» բարեսիրական հասարակական կազմակերպությանը Շահումյան և Տափերական համայնքներում հողամասեր հատկացնելու որոշումը։

Հիշեցնենք, որ այդ որոշումն ընդունվել էր օգոստոսի 8-ին։ Դրանով նախատեսվում էր «Երեխաների քաղաք» կառուցելու և անապահով սոցիալական պայմաններում ապրող, հաշմանդամություն ունեցող երեխաների լիակատար զարգացման, մանկական աղքատության կրճատմանն ուղղված բարեգործական ծրագրի իրականացման նպատակով Շահումյան և Տափերական համայնքներում գտնվող հողամասը և վարելահողը անհատույց սեփականության իրավունքով տրամադրել «Հայկական Կարիտաս» բարեսիրական ՀԿ-ին:

Աշխատանքի և սոցիալական հարցերի նախարարության հաղորդմամբ՝ բարեգործական ծրագրի վերաբերյալ կազմակերպվել են քննարկումներ, որոնց ընթացքում նախարարության ներկայացուցիչները հայտնել են մտահոգություն՝ ծրագիրն իր նպատակին ծառայեցնելու հնարավորության վերաբերյալ։ 

«Կրթության, գիտության, մշակույթի և սպորտի նախարարությունը հայտնել է, որ նմանօրինակ ծրագիրը 21-րդ դարում ներառականության սկզբունքներ ընդունած մեր երկրի համար ընդունելի չէ: Ծրագիրն ակնհայտ հակասում է Հայաստանի Հանրապետության կողմից վավերացված «Հաշմանդամություն ունեցող անձանց իրավունքների մասին», «Երեխայի իրավունքների մասին» ՄԱԿ-ի կոնվենցիաներին և Կառավարության կողմից այժմ իրականացվող մի շարք ծրագրերին»,- ընդգծել է նախարարությունը:

Նախատեսվում է իրականացնել ծրագրի վերանայման աշխատանքներ, ծրագրի փոփոխությունից հետո, անհրաժեշտության դեպքում, կքննարկվի նոր հողամաս հատկացնելու հարցը։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter