![](/static/articles/11/17/l-k1QEZSlZv7.jpg)
Հայաստանից Աֆղանստան կմեկնի ավելի շատ զորամիավորում
Այսօր պաշտպանության նախարար Սեյրան Օհանյանն Ազգային ժողովի
կիսադատարկ դահլիճում պատգամավորներին ներկայացրեց միջազգային անվտանգության ուժերի կազմում՝ Աֆղանստանում, ՀՀ զինված ուժերի ստորաբաժանման մասնակցության առնչությամբ ՆԱՏՕ-ի հետ իրավական հարցերի կարգավորման վերաբերյալ համաձայնագիրը:
Հայաստանի զորախմբի քանակն առաջարկվում է ավելացնել 130-ով, իսկ հերթափոխերի ընթացքում նրանց թիվը կհասնի 260-ի: Ըստ պաշպանության նախարարի` այդ քայլով միջազգային անվտանգության հարցով մեր ներդրումը զգալիորեն կբարձրանա:
«Դա կնպաստի ոչ միայն ՆԱՏՕ-ի, այլեւ Եվրոպական միության, ԱՄՆ-ի, Գերմանիայի հետ հարաբերությունների զարգացմանը»,- ասաց պաշտպանության նախարարը:
Ս. Օհանյանը նշեց, որ համաձայնագրով ՀՀ զորամիավորումը սկզբում 40 հոգանոց էր, այնուհետեւ թիվը հասցվեց 45-ի, որից 5-ը` հրահանգիչներ են: Սեյրան Օհանյանի խոսքերով՝ Վրաստանը, օրինակ, տրամադրում է 924, իսկ Ադրբեջանը՝ 94 զինծառայող, եւ այս հարցում «Հայաստանը չպետք է Հարավային Կովկասում զիջի իր դիրքերը»:
Մեկնաբանել