Ինձ կարող եք գրել հետեւյալ հասցեով. [email protected]

Հարգելի պրն Հովասափյան, շնորհակալություն արձագանքելու եւ հարցը կարեւորելու համար: Ես նույնպես ակնկալում եմ, որ Կառավարությունը լուծումներ պետք է փնտրի այս հարցին, որովհետեւ գյուղերում հողի եւ ջրի ողջ ռեսուրսը կենտրոնացած է մի քանի անձանց ձեռքում եւ բարիք է ապահովում միայն նրանց համար: Մյուսները զրկված են կեցության նվազագույն պայմաններ ստեղծելու հնարավորությունից, որն ապահովում էին հողը մշակելով: Նույնքան մտահոգիչ է գյուղերի թշվառ վիճակը, եւ դրանք այդ վիճակում են հայտնվել, որովհետեւ ողջ ռեսուրսը հանձնել են ձկնաբույծներին, իսկ նրանք չեն ցանկանում օրինականացնել իրենց կառույցները, որպեսզի հարկեր չվճարեն համայնքին: Իհարկե, ես կողմնակից չեմ բիզնեսը ոչնչացնելուն, դա բարբարոսություն կլինի, բայց Կառավարությունը պետք է նրանց հարկման դաշտ բերի, հարկադրի վճարել տնօրինվող հողի ու ջրի համար: Եթե ժամանակին նրանք պարտավորված լինեին վճարել զբաղեցրած հողատարածքի համար, լճակները կկառուցեին 1,2, գուցե 5 հա հողատարածքի վրա, բայց ոչ 20 հա եւ ավելի: Այդ դեպքում կխոսեինք ռեսուրսների եւ եկամուտների հավասար բաշխման մասին, գյուղն էլ հավասարապես կզարգանար ենթակառուցվածքներ ստեղծելով: Հիմա, կարծում եմ, նրանք ժամանակացույցով պետք է վճարեն հողի արժեքը: Հաշվարկները ցույց են տալիս, որ մեկ ձկնաբուծարանի վճարելիք գումարն ավելին է, քան այդ գյուղի 10 տարվա բյուջեն: Սա չպետք է հանդուրժի Կառավարությունը:

Հարգելի Սառա Պետրոսյան, Կարևոր և շատ հետաքրքիր է, այն ինչ հաղորդում եք, ավելի հետաքրքիր կլիներ, ներկայիս իշխանությունների տեսակետը իմանալ։ Պարզվում է, որ բոլոր այդ արտադրողները ոչ օրինական են, ուրեմն ինչո ՞ւ է ներկայիս իշխանությունը հապաղում և չի արգելում այդ, մանավանդ որ հենց Հետքի հաղորդումներից պարզվում է, որ այդ ավազանները ահավոր և անուղղելի վնասում են Արարատյան դաշտի հողատարածությունները; Ուղղակի սա անհասկանալի է, թավշյա մոտեցում այո, բայց ոչ ամեն մեկի և ամեն ինչի նկատմամբ։ Ես մի բաց նամակում, ուղղված՝ պարոն Փաշինյանին այդ եմ պահանջել, բայց ինչպես որ գուշակում էի, ոչ մի արձագանք չստացա, բայց ես իմ պայքարը շուտով ակտիվացնելու եմ Բեռլինում ՀՀ դեսպանատան առաջ ցույց կազմակերպելով։ Եթե շվեդացի Գրետան կարողացավ աշխարհի երիտասարդությանը ոտքի հանել, ապա պետք է մենք կարողանանք միասնաբար ուժերով արգելել տալ նման ավազակային վերաբերմունքը, հայ ժողովրդի ազգային մեծ հարստության՝ Արարատյան դաշտի հետ։ Ուրախ կլինեի անմիջական կապ պահպանել ձեզ հետ, ավելի շատ տեղեկություններ ստանալու համար։