Օրերս Հայաստան է վերադարձել Լիբանանում ՄԱԿ-ի հովանու ներքո խաղաղարար առաքելություն իրականացրած հայ խաղաղապահների հերթական զորախումբը: Այս մասին տեղեկացնում է Պաշտպանության նախարարության մամուլի ծառայությունը:

«Օդանավակայանում խաղաղապահներին դիմավորել է զորամասի հրամանատարի տեղակալ, գնդապետ Ա. Ավդալյանը, շնորհակալություն հայտնել գերազանց և օրինակելի ծառայության համար»,- ասվում է հաղորդագրությունում: