Տեսանյութեր
Լուսանկարներ
Երբևիցե արված ամենամեծ հետազոտությունը մանկական տալկի և ձվարանների քաղցկեղի միջև որևէ կապ չի հայտնաբերել
Los Angeles Times-ի հաղորդմամբ ԱՄՆ կառավարության կողմից իրականացվող հետազոտությունները չեն հայտնաբերել մանկական տալկը ձվարանի քաղցկեղի հետ կապող ոչ մի հաստատուն ապացույց։
Հետազոտության մեջ ներառվել է 250 000 կին, որոնք մասնակցել են երկարատև չորս հետազոտությունների, և պարբերաբար հարցրել են փոշու՝ ինտիմ հատվածում օգտագործելու մասին: Հարցվածների 40 %-ը այդպես է օգտագործել փոշին։
«11 տարի հետազոտություն անցկացնելու ընթացքում 2168 կնոջ մոտ առաջացել է ձվարանների քաղցկեղ: Ռիսկը մոտավորապես նույնն էր օգտագործողների և չօգտագործողների համար»,- նշել են հետազոտողները «Journal of American Medical Assn» ամսագրում:
«Սա ներկայացնում է լավագույն տվյալները, որոնք մենք ունենք թեմայի վերաբերյալ»,- ասում է հետազոտության ղեկավար, հեղինակ, Շրջակա միջավայրի առողջության գիտությունների ազգային ինստիտուտի ավագ գիտնական Քեթի Օ'Բրայանը (Katie O’ Brien):
«Ուսումնասիրությունը վերջնական չէ, բայց ավելի համոզիչ ուսումնասիրություն, հավանաբար, հնարավոր չէ, քանի որ կանանց նվազող թվաքանակն է օգտագործում փոշի անձնական հիգիենայի համար»,- ասում են խմբագրությունից:
Առողջական մտահոգություններից ելնելով հազարավոր դատական հայցեր են հարուցվել այն կանանց կողմից, ովքեր պնդում են, որ փոշու մեջ ասբեստ կա, որը առաջացրել է քաղցկեղ: Տալկը կառուցվածքով ասբեստի նման հանքանյութ է, որը հայտնի է քաղցկեղի առաջացմանը նպաստելով, և դրանք երբեմն ստացվում են նույն հանքերից: Կոսմետիկայի արդյունաբերությունը 1976 թ․-ին հաստատեց, որ տալկի արտադրանքները չեն պարունակում ասբեստի հայտնաբերելի քանակություն:
Տալկի փոշու և քաղցկեղի միջև հնարավոր կապը ուսումնասիրող փոքր հետաքննությունները ունեցել են հակասական արդյունքներ, չնայած դրանց մեծ մասը որևէ կապ չի գտել:
Այս տեսակի դիտողական ուսումնասիրությունները չեն կարող որոշել պատճառը և հետևանքները, և Օ'Բրայանն ասել է, որ ավելի ճշգրիտ ուսումնասիրություն չի արվելու:
Հետազոտողները հայտնաբերել են քաղցկեղի հավանական փոքր-ինչ բարձր ռիսկի նշույլներ այն կանանց մոտ, ովքեր օգտագործում են տալկի փոշի և երբևէ չեն ունեցել հիստերէկտոմիա:
Ամերիկյան հասարակության համար քաղցկեղի վարքային և համաճարակաբանության հետազոտության ավագ փոխնախագահ Սյուզան Գապստուրն ասում է, որ համաձայն է այն տեսությանը, թե ինչպես կարող է տալկի՝ ինտիմ հատվածներում օգտագործումը ռիսկային լինել։
ԱՄՆ դատական գործերը թիրախավորել են մանկական փոշու առաջատար արտադրող «Johnson & Johnson»-ին: Չնայած նրան, որ մի քանի ատենակալներ հասել են ընկերության դեմ բազմամիլիոնանոց վճիռների, դրանք բեկանվել են կամ բողոքարկվել են: «J&J»-ն ասում է, որ փոշին պարբերաբար փորձարկվում է՝ երաշխավորելու ասբեստի բացակայությունը։
Երկուշաբթի օրը Կալիֆոռնիայում հայտարարվեց անսովոր միջնաժամկետ համաձայնագրի մասին, որին մասնակցեցին կանայք, որոնք պնդում էին, որ փոշու մեջ ասբեստ էր, և այն առաջացրել էր մեսոտելիոմա՝ քաղցկեղ, որը կարող է ազդել թոքերի և այլ օրգանների վրա: «J&J»-ի խոսնակ Քիմբերլի Մոնթագինոն (Kimberly Montagnino) հրաժարվել է բացահայտել պայմանագրի պայմանները կամ պատճառները, բայց ասել է, որ «դա ոչ մի կերպ չի փոխում մեր ընդհանուր դիրքորոշումը, որ մեր տալկը անվտանգ է, ազատ է ասբեստից և չի առաջացնում քաղցկեղ»:
Հոկտեմբերին «J&J»-ը հետ կանչեց մանկական փոշու մի խմբաքանակ այն բանից հետո, երբ ԱՄՆ-ի կառավարության փորձարկմամբ մեկ շշի մեջ հայտնաբերվեց ասբեստի հետքեր: Ընկերությունը վճարել է ավելի շատ փորձարկումների համար այլ լաբորատորիաներին, որոնք չեն հայտնաբերել ասբեստ՝ ներառյալ մանկական փոշու շշի և այլ նմուշների մեջ:
Մեկնաբանել