Կառավարության նիստին Էկոնոմիկայի նախարար Տիգրան Խաչատրյանը հայտնեց թվային տվյալներ 2019 թվականին ընկերություններին տրված հարկային և մաքսային արտոնությունների մասին։

Նախարարի փոխանցմամբ՝ նախորդ տարի Կառավարությունը հավանություն է տվել 57 ներդրումային ծրագրի, որոնց ընդհանուր արժեքը կազմել է 212 միլիարդ դրամ։

Այդ ծրագրերի շրջանակներում ընկերություններին տրվել է 14,8 միլիարդ դրամի մաքսատուրքից ազատման արտոնություն։ Իսկ ավելացված արժեքի հարկի արտոնությունը կազմել է 10,1 միլիարդ դրամ։