Երեկ ՀՅԴ բյուրոյի ներկայացուցիչ Հրանտ Մարգարյանը Քաղաքագետների միությունում ներկայացրեց ընտրակեղծիքների դեմ պայքարի նոր առաջարկ: Տեսնելով, որ 2000 միջազգային դիտորդ չի գալու Հայաստան՝ ՀՅԴ-ն պատրաստվում է ստեղծել «Արդար ընտրությունների կամավորական շարժում»:

Ըստ Հրանտ Մարգարյանի՝ ընտրվելու են «օրենք հասկացող, խելքը գլխին, քաջ, համարձակ և անշահախնդիր» մարդիկ: Aravot.am-ի հարցին, թե ինչպե՞ս են ընտրելու կամավորներին և խուսափելու «ծպտյալներից»՝ պարոն Մարգարյանը պատասխանեց. «Պետք է արձանագրվեն, դրանից հետո նայած ով ինչ տեսակ աշխատանքի ավելի ընդունակ է՝ համապատասխան պատրաստություն պետք է տեսնեն, և նաև պետք է մեր սիստեմով գտնենք, այսպես ասած, «ծպտյալներին»:

Ըստ Հրանտ Մարգարյանի՝ ընտրությունները կարող են արդար լինել, եթե դա պարտադրվի այս իշխանությանը: