Փետրվարի 28-ին ահազանգ է ստացվել, որ Սելիմի լեռնանցքում (Վայոց ձորի մարզի հատվածում) ձնաբքի հետևանքով երթևեկությունն արգելափակվել է, և խցանման մեջ է մնացել 2 ավտոմեքենա:

Դեպքի վայր է մեկնել մարզային փրկարար ջոկատը: Եղեգնաձոր-Մարտունի ավտոճանապարհի 40-րդ կմ-ում փրկարարները ճանապարհի երթևեկելի մաս են դուրս բերել «Մերսեդես» մակնիշի ավտոմեքենան (վարորդ Վ. Գրիգորյան):

Հայտնաբերվել է նաև 2-րդ՝ «Ռենո» մակնիշի ավտոմեքենան, սակայն վարորդ Գ. Սարգսյանը հրաժարվել է փրկարարների օգնությունից՝ չցանկանալով լքել իր ավտոմեքենան: Այս մասին հայտնում է ՀՀ արտակարգ իրավիճակների նախարարությունը: