Արտակարգ իրավիճակների նախարարությունը տեղեկացնում է, որ հունվարի 16-ին՝ ժամը 07։35-ին, «911» ծառայություն ահազանգ է ստացվել, որ Երևանի Սևանի փողոցի թիվ 86/1 շենքի դիմաց այրվում է չգործող փայտամշակման արտադրամասի տանիքը։

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ:

Հրդեհը մեկուսացվել է ժամը 07:54-ին, մարվել` 08:47-ին:

Այրվել են չգործող արտադրամասի տանիքի փայտե կառուցատարրերը և պատի լամինատե երեսպատումը (10 քմ), մեկ դեկորատիվ ծառ և աղբ (1 խմ):