![](/static/articles/01/12/52/l-1RanMJXCYX.jpg)
«Հայկական ժամանակ». լքում են ՕԵԿ-ի նավը
«Մազդա» եւ «Սուզուկի» մեքենաներ Հայաստան ներկրող «Ռոյալ մոթորս» եւ «Թոփ մոթորս» ՍՊԸ-ների սեփականատեր, 37-ամյա գործարար Միսակ Սարգսյանը, որն «Օրինաց երկիր» կուսակցության Դավթաշենի տարածքային կառույցի ղեկավարն էր, լքել է ՕԵԿ-ը:
Այս տեղեկությունը թերթի թղթակցի հետ զրույցում հաստատել է ինքը՝ գործարարը: Ըստ «ՀԺ» աղբյուրների՝ գործարարը խիստ հիասթափվել է ՕԵԿ-ից եւ ՕԵԿ նախագահ Արթուր Բաղդասարյանից, հասկացել է, թե իրականում ում հետ գործ ունի ու փորձել է կուսկացությունից հեռանալ հնարավորինս անաղմուկ: Իր քայլը Սարգսյանը «ՀԺ»-ի հետ զրույցում բացատրել է այսպես. «Առողջական խնդիրներ ունեի»: Երբ զգացել է, որ ասածը հավատ չի ներշնչում, հավելել է. «Հասկացա, որ դա իմը չէ»: Թերթի աղբյուրները փոխանցում են, որ կուսակցությունը լքողներ էլի կան, բայց առայժմ անուններ չեն նշվում:
Լուս.՝ Bravo.am-ի
Մեկնաբանել