Տարածքային կառավարման և ենթակառուցվածների նախարարությունը տեղեկացնում է, որ փետրվարի 4-ին՝ ժամը 17:30-ի դրությամբ, Թալինի, Գավառի, Աշոցքի, Ախուրյանի, Արթիկի, Արագածի, Ապարանի, Սպիտակի, Արտաշավանի, Եղվարդի, Կոտայքի, Հրազդանի, Սևանի, Արարատի, Վայքի, Սիսիանի տարածաշրջանների ավտոճանապարհներին ձյուն է տեղում։

Թերակղզուց մինչև Դիլիջանի թունել սաստիկ բքի և անբավարար տեսանելիության պատճառով ճանապարհը փակ է։

Դիլիջանից Սևանով Երևան եկող մեքենաների վարորդներին հորդորում ենք երթևեկել Դիլիջան-Վանաձոր -Սպիտակ-Երևան երթուղիով։

Ուժեղ բքի և անբավարար տեսանելիության պատճառով Ապարանի տարածաշրջանի ավտոճանապարհին, Արագածի տարածաշրջանի Ծիլքար և Բերդ-Ճամբարակ ճանապարհահատվածներում դժվարանցանելի է։

Ռյա Թազա ավտոճանապարհին, Արթիկի տարածաշրջանի ճանապարհներին, Մաստարա- Լանջիկ, Գորիս-Սիսիան հատվածում բուք է։

Սաստիկ բքի պատճառով Վարդենյաց լեռնանցքը փակ է բոլոր տեսակի տրանսպորտային միջոցների համար։

Գորիս-Սիսիան ճանապարհահատվածում տեղ-տեղ մերկասառույց է։

Ճանապարհաշինարարներն ավտոճանապարհներին կատարում են մաքրման և աղով, ավազով մշակման աշխատանքներ:

ՀՀ միջպետական և հանրապետական նշանակության մյուս ավտոճանապարհները բաց են: