Տարածքային կառավարման և ենթակառուցվածքների նախարարությունը տեղեկացնում է, որ փետրվարի 7-ին՝ ժամը 17:00-ի դրությամբ, ձյուն է տեղում Ապարանի, Սևանի, Գավառի, Թալինի, Մարալիկի, Արթիկի, Աշոցքի տարածաշրջանների ավտոճանապարհներին և Սպիտակի ոլորաններում։ Տավուշի, Ախուրյանի և Նոյեմբերյանի տարածաշրջանների ավտոճանապարհներին անձրև է տեղում։ Աշոցքի տարածաշրջանի ավտոճանապարհներին, Մեղրու և Սարավանի լեռնանցքներում (Զանգերի հատվածում) բուք է։

Վարդենյանց լեռնանցքը սաստիկ բքի և տեսանելիության բացակայության պաճառով փակ է։ Ճանապարհաշինարարներն ավտոճանապարհներին կատարում են մաքրման և աղով, ավազով մշակման աշխատանքներ:

 Միջպետական և հանրապետական նշանակության մյուս ավտոճանապարհները բաց են: Վթարներից, պատահարներից և խցանումներից խուսափելու նպատակով վարորդներին խորհուրդ է տրվում երթևեկել բացառապես ձմեռային անվադողերով:

-----------------------

 Վրաստանի տարածաշրջանային զարգացման և ենթակառուցվածքների նախարարության ճանապարհային դեպարտամենտից տարածքային կառավարման և ենթակառուցվածքների նախարարություն տեղեկացնում են, որ փետրվարի 7-ին՝ ժամը 17:30-ի դրությամբ, Մցխեթա-Ստեփանծմինդա-Լարս ավտոճանապարհին տեղում է առատ ձյուն: Գուդաուրի- Կոբի ճանապարհահատվածում սաստիկ բքի, տեսանելիության բացակայության և ձնահյուսի վտանգի պատճառով ավտոճանապարհը փակ է բոլոր տեսակի տրանսպորտային միջոցների համար։