Վրաստանում Հայաստանի դեսպանությունը ֆեյբուքյան իր էջում տեղեկացնում է, որ Մցխեթա-Ստեփանծմինդա-Լարս ավտոճանապարհը շարունակում է բաց մնալ միայն մարդատար տրանսպորտային միջոցների համար։ Այժմ ևս շարունակվում են ձնամաքրման աշխատանքները։

«Մասնագետների կարծիքով՝ հավանականությունը մեծ է, որ վաղն ավտոճանապարհը երթևեկելի կլինի նաև բեռնատար տրանսպորտային միջոցների համար։ Դեսպանության դիվանագետներն այսօր եղել են ավտոճանապարհի Մեծ Լիլո կոչվող հատվածում, որտեղ կուտակված են բազմաթիվ բեռնատարներ և հանդիպել են հայ վարորդների հետ։

Դեսպանությունը վաղն առավոտ նրանց կապահովի սննդով և առաջին անհրաժեշտության այլ պարագաներով»,- հայտնում է Վրաստանում Հայաստանի դեսպանությունը։