Վիեննայում հայ դիվանագետները քննարկել են Հայաստանի արտաքին քաղաքական առաջնահերթությունները
Փետրվարի 11-ին Վիեննայում մեկնարկեց Եվրոպայում ու միջազգային և տարածաշրջանային կազմակերպություններում հավատարմագրված Հայաստանի դիվանագիտական ներկայացուցչությունների ղեկավարների հավաքը։ Այս մասին տեղեկացնում է ԱԳՆ մամուլի ծառայությունը:
Արտաքին գործերի նախարար Զոհրաբ Մնացականյանը կարևորեց նման ձևաչափով անցկացվող արդեն իսկ ավանդական դարձած հավաքները՝ որպես տեղում Հայաստանի արտաքին քաղաքական զարգացումների, տարածաշրջանային և միջազգային օրակարգի հրատապ հարցերի շուրջ մտքերի փոխանակման արդյունավետ հարթակ։
Ըստ տարածված հաղորդագրության՝ հանդիպման ընթացքում հանգամանալից անդրադարձ կատարվեց Հայաստանի արտաքին քաղաքական առաջնահերթություններին, հայկական դիվանագիտության առջև ծառացած մարտահրավերներին և դրանց հասցեագրման ուղղությամբ իրականացվող քայլերին:
Քննարկման օրակարգում էին ինչպես միջազգային և տարածաշրջանային կազմակերպություններում Հայաստանի ներգրավվածության ընդլայնման, այնպես էլ գործընկեր երկրների հետ համագործակցության առավել ամրապնդմանն ուղղված քայլերին առնչվող հարցերի լայն շրջանակ։
Մեկնաբանել