Վարչապետ Նիկոլ Փաշինյանը կառավարությունում հանդիպել է Հայաստանում ԵԱՀԿ անդամ երկրների հավատարմագրված դեսպաններին: Այս մասին հաղորդում է կառավարության մամուլի ծառայությունը:

Ինչպես ասվում է տարածված հաղորդագրությունում, հանդիպման ընթացքում վարչապետը անդրադարձել է Սահմանադրական դատարանի շուրջ առկա իրավիճակին, Սահմանադրության փոփոխությունների առաջիկա հանրաքվեին, այն անցկացնելու հանգամանքներին:

Նիկոլ Փաշինյանը խոսել է նաև Հայաստանի կառավարության բարեփոխումների օրակարգի, երկրում տեղի ունեցող փոփոխությունների, կառավարության հակակոռուպցիոն քաղաքականության մասին:

Կառավարության ղեկավարը պատասխանել է նաև դեսպաններին հետաքրքրող տարբեր հարցերին: