Կառավարությունը կշարունակի փոխհատուցել խորհրդային ժամանակներում ներդրված ավանդները
2020 թվականին Կառավարությունը շարունակում է նախկին ԽՍՀՄ խնայբանկի ՀԽՍՀ հանրապետական բանկում մինչև 1993 թվականի հունիսի 10-ը ներդրված դրամական ավանդների դիմաց փոխհատուցման տրամադրումը: Այս մասին Կառավարության փետրվարի 13-ի նիստին հայտնեց Աշխատանքի և սոցիալական հարցերի նախարար Զարուհի Բաթոյանը:
Ընդունված նախագծով առաջարկվում է ավանդների փոխհատուցման իրավունք վերապահել նաև 1935 և 1936 թվականներին ծնված անձանց: Փոխհատուցման իրավունք ունեն նաև պաշտպանության մարտական գործողությունների մասնակից կամ մարտական գործողությունների հետևանքով չօգտագործվող և հակառակորդի կողմից հողատարածքների գնդակոծման դեպքեր ունեցող սահմանամերձ համայնքներում 2014 թվականի օգոստոսի 1-ի դրությամբ հաշվառված անձինք:
Գործող կարգավորումներով՝ պարտադիր ժամկետային զինծառայության զորակոչված անձինք օրենսդրության համաձայն բնակչության պետական ռեգիստրի հաշվառումից դուրս գալու պատճառով չեն կարողանում իրացնել իրենց իրավունքը: Նախագծով ընդունվեց որոշում այդ անձանց համար սահմանել դրույթ ավանդի փոխհատուցում ստնալու իրավունքից օգտվելու համար:
Նշված ծրագրի համար նախատեսվել է 1.2 մլրդ դրամ:
Լուսանկարը՝ «Ա1+»-ի
Մեկնաբանություններ (3)
Մեկնաբանել