Երեկ՝ ժամը 13:52-ին, տեղեկատվություն է ստացվել, որ փլուզվել է Գեղարքունիքի մարզի Վարդենիս քաղաքի Տեր-Գաբ­րիել­յան փո­ղոցում գտնվող, 1970-ական թթ. կառուցված նախկին կեղտաջրերի մաքրման կայանի շենքը, կա տուժած, և ան­հրա­ժեշտ է փրկարարների օգնությունը: Դեպքի վայր է մեկնել մեկ մարտական հաշ­վարկ:

Դեռևս չպարզված հանգամանքներում մաքրման կայանի շենքի երկաթ-բետոնե պանելը (35սմ հաս­տու­թյամբ) շրջվել է Վարդենիս քաղաքի բնակիչ,1987թ. ծնված Սասուն Էլոյանի վրա, որը տեղում մահացել է:

Հրշեջ-փրկարարների և տեղի բնակիչների ուժերով դին դուրս է բերվել փլատակների տակից և հանձնվել ոստիկանության աշխատակիցներին: Այս մասին հայտնում է ՀՀ արտակարգ իրավիճակների նախարարությունը: