Գավառ քաղաքում քաղաքացին տնից դուրս է եկել և չի վերադարձել. իրականացվում են որոնողական աշխատանքներ
Արտակարգ իրավիճակների նախարարությունը հայտնում է, որ փետրվարի 26-ին, ժամը 11:26-ին փրկարար ծառայողների և ոստիկանության աշխատակիցները վերսկսել են Գեղարքունիքի մարզի Գավառ քաղաքի Հացառատ թաղամասի բնակիչ Բագրատ Մ.–ի որոնողական աշխատանքները: Աշխատանքներին աջակցում են կորած քաղաքացու հարազատները:
Հիշեցնենք, որ փետրվարի 26-ին, ժամը 00:59-ին Ճգնաժամային կառավարման ազգային կենտրոն տեղեկություն է հաղորդվել, որ Գեղարքունիքի մարզի Գավառ քաղաքի Հացառատ թաղամասի բնակիչ Բագրատ Մ.-ն (մոտ 32 տ) փետրվարի 25-ի ժամը 21։00-ի սահմաններում տնից դուրս է եկել և չի վերադարձել։ Քաղաքացին վերջին անգամ հեռախոսով խոսել է ժամը 21։30-ին և տեղեկացրել, որ գտնվում է Ծաղկաշեն համայնքին հարակից «Սպիտակ Քար» կոչվող հանդամասում:
ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ մեկնել է նշված հասցեով:
Ժամը 01։36-ից փրկարարները ոստիկանության աշխատակիցների և հարազատների հետ համատեղ իրականացրել են որոնողական աշխատանքներ, սակայն տեղանքի բարդ ռելիեֆի և մթության պատճառով ժամը 02:17-ին աշխատանքները ժամանակավորապես դադարեցվել են։
Մեկնաբանել