Էդուարդ Մարտիրոսյան. «ԱԱԾ-ն մաքրվելու է այն անձանցից, որոնք դավաճան են, հայրենասեր չեն և արատավորում են սպայի պատիվը»
Ազգային անվտանգության ծառայության տնօրենի պաշտոնակատար Էդուարդ Մարտիրոսյանը վստահեցնում է` ԱԱԾ-ն մաքրվելու է սպայի պատիվը արատավորող անձանցից:
Այս մասին խորհրդարանում ասաց Մարտիրոսյանը` պատասխանելով «Լուսավոր Հայաստան» խմբակցության քարտուղար Գևորգ Գորգիսյանի հարցին:
Գորգիսյանը հիշեցրել էր վարչապետ Նիկոլ Փաշինյանի` Կառավարության նիստում հնչեցրած այն խոսքերը, որ իրավապահ համակարգում եղել են դավաճաններ, որոնք խոչընդոտել են կոռուպցայի դեմ պայքարին: Պատգամավորը հետաքրքրվեց, թե ԱԱԾ-ն այս հարցում ինչ քայլեր է ձեռնարկել:
«Ընթացիկ գործընթաց է, որը պարբերաբար ԱԱԾ-ում արվում է, մենք մաքրելու ենք, ԱԱԾ-ն մաքրվելու է այն անձանցից, որոնք դավաճան են, հայրենասեր չեն և արատավորում են սպայի պատիվը»,- ասաց Մարտիրոսյանը:
Գորգիսյանը հետաքրքրվեց` կան կոնկրետ գործողություններ, որոնք այս ընթացքում ձեռնարկվել են, ԱԱԾ տնօրենի պաշտոնակատարն արձագանքեց` տվյալներ լինելու պես կտեղեկացնեն:
Մեկնաբանել