Տեսանյութեր
Լուսանկարներ
«Լույսի պես մաքուր» եւ «քաղաքական հաճույքներից զերծ» ՕԵԿ
Այսօր մարզահամերգային համալիրում մեկնարկել է «Օրինաց երկիր» կուսակցության 10-րդ համագումարը: Ներկա են նախագահ Սերժ Սարգսյանը, ԲՀԿ-ի նախագահ Գագիկ Ծառուկյանը, ՀՀԿ խմբակցության ղեկավար Գալուստ Սահակյանը, «Ժառանգությունից»՝ Կարինե Հակոբյանը, դեսպաններ եւ այլ հյուրեր:
Կուսակցության օրհներգից հետո, որը երգիչ Ֆորշի հայտնի «Երեւան» երգն է, ձեւափոխված՝ սա «Արթուր Բաղդասարյանն է», ելույթ է ունեցել ՕԵԿ- ի նախագահը:
Արթուր Բաղդասարյանը հայտարարեց, որ «Օրինաց երկիրը» «լույսի պես մաքուր է» եւ դեռ երկար ճանապարհ ունի անցնելու քաղաքական դաշտում:
«Նախագահական ընտրություններից հետո ես շատ բան ունեմ տալու, ստանալու եւ վճարելու»,- ասաց Բաղդասարյանը, ապա դիմելով համագումարին ներկա գտնվողներին՝ հայտարարեց, թե «ձեռքիցս չեք պրծնի, եթե լավ չաշխատեք» խորհրդարանական ընտրությունների ժամանակ:
Թե ում ինչ է տալու Արթուր Բաղդասարյանը, կամ նրանցից ստանալու, առայժմ պարզ չէ, սակայն ՕԵԿ առաջնորդը հայտարարեց, որ այժմ «քաղաքական հաճույքների ժամանակը չէ»:
Այնուհետեւ Արթուր Բաղդասարյանը հայտարարեց, որ ՕԵԿ-ը սատարում է նախագահ Սերժ Սարգսյանին՝ իր բոլոր ծրագրերում:
«Նախագահը, լինելով երկրի թիվ մեկ բարձրաստիճան քաղաքական պաշտոնյան, ցանկանում է իր երկիրը տանել բարեփոխումների ճանապարհով: Մենք աջակցելու ենք Սերժ Սարգսյանին՝ իր բոլոր ծրագրերում, որոնք ուղղված են Հայաստանն առաջ տանելու, ուժեղ, մրցունակ ու ազդեցիկ երկիր դարձնելուն»,- ասաց Ա. Բաղդասարյանը:
Մեկնաբանություններ (3)
Մեկնաբանել