Երևանի քաղաքապետի հանձնարարությամբ, առողջապահության նախարարության ցուցումով այսօրվանից սկսել են ախտահանման աշխատանքներ տարվել նաև մայրաքաղաքի հասարակական տրանսպորտը սպասարկող մասնավոր ընկերությունների հավաքակայաններում: Գործընթացի պատասխանատվությունը իր վրա է վերցրել համայնքը: Այս մասին հաղորդում է քաղաքապետարանի պաշտոնական կայքը։

Աշխատանքներն իրականացնում է «Ախտահանման կենտրոն» ՓԲԸ-ն: Հասարակական տրանսպորտը ախտահանվում է ժամանակակից տեխնիկական միջոցներով և հատուկ նյութով:

Ախտահանման աշխատանքներ կիրականացվեն ամեն օր՝ յուրաքանչյուր հերթափոխից հետո: Մասնագիտացված հատուկ խմբերը կաշխատեն ողջ գիշեր, որպեսզի արդեն առավոտյան միկրոավտոբուսները, ավտոբուսները, տրոլեյբուսները և մետրոն ախտահանված ու պատրաստ լինեն շահագործման: