Կորոնավիրուսով վարակված մարդկանց ընդհանուր թիվը ժամը 21։00 դրությամբ ավելացել է 35-ով և կազմում է 407 հոգի, ապաքինվել է 30 քաղաքացի: Այս մասին տեղեկացնում է Հայկական միասնական տեղեկատվական կենտրոնը։

Նշենք, որ ժամը 10:00-ի դրությամբ հաստատված դեպքերի քանակը 372-ն էր։ Ժամը 19:30-ի դրությամբ՝ ինֆեկցիոն հիվանդանոցի ինտենսիվ թերապիայի բաժանմունքում բժշկական օգնություն և սպասարկում էր ստանում թոքաբորբով 13 պացիենտ, որոնցից 2-ի վիճակը բժիշկները գնահատում են ծայրահեղ ծանր (ինտուբացված են)։ 2 պացիենտ ծանր են (հարաբերական կայուն), մնացած 9-ը՝ կայուն ծանր։