Մարտի 5-ին՝ ժամը 15.12-ին, Հայաստանում՝ Աշոցք գյուղից 17 կմ դեպի հյուսիս-արևելք, տեղի է ունեցել 3.3 մագնիտուդով երկրաշարժ: Երկրաշարժի հիպոկենտրոնը գտնվում է 5 կմ խորության վրա:

Երկրաշարժի ուժգնությունն էպիկենտրոնային գոտում կազմել է 4-5 բալ: Երկրաշարժը 3-4 բալ ուժգնությամբ զգացվել է Աշոցքում, Բավրայում, Զույգաղբյուրում: Այս մասին հայտնում է ՀՀ արտակարգ իրավիճակների նախարարության սեյսմիկ պաշտպանության ազգային ծառայությունը: