Այսօր Նոյեմբերյանի շրջանի հայկական դիրքերի ուղղությամբ ադրբեջանական դիվերսիոն ներթափանցման փորձի արդյունքում վիրավորում ստացած երկու զինծառայողի վիճակը կայուն է, նրանց կյանքին վտանգ չի սպառնում: Այժմ տեղափոխվում են Երևան, քանի որ զինված ուժերի ռազմաբժշկական վարչության որդեգրած մոտեցումն է այդպիսին: Այս մասին հայտնում է պաշտպանության նախարարի մամուլի քարտուղար Շուշան Ստեփանյանը։

Նրա փոխանցմամբ՝ երեխայի վիճակը բժիշկները գնահատում են կայուն ծանր, կյանքին վտանգ չի սպառնում։ Վերջինս ստացել է հրազենային վնասվածք՝ կրծքավանդակի շրջանում, իրականացվել է անհրաժեշտ առաջին բուժօգնություն։ Երեխան այս պահին տեղափոխվում է Երևան՝ «Սուրբ Աստվածամայր» բժշկական կենտրոն։