Այսօր՝ մարտի 31-ին ժամը 08:00-ից մեկնարկել են Արցախի նախագահի և Ազգային ժողովի ընտրությունները: 

«Հետքը» եղել է Ասկերանի շրջանի Շոշ գյուղում՝ 2/31 ընտրական տեղամասում:

Ընտրատեղամասում հանգիստ էր, իրարանցում չկար:

Շոշի տեղամասային ընտրական հանձնաժողովի նախագահ Սուրեն Բաբայանն ասաց, որ ժամը 14:00-ի դրությամբ 447 ընտրողից 253 հոգի է մասնակցել քվեարկությանը:

«Կապված կորոնավիրուսի հետ` տրվում են անհատական պաշտպանության պարագաներ, նաև պահվել է մարդկանց հոսքը, որպեսզի վտանգներ չլինեն», - ասաց Սուրեն Բաբայանը: