Բնապահպանության և ընդերքի տեսչական մարմինը տեղեկացնում է, որ 2020 թվականի ապրիլի 2-ին Տեսչական մարմնի աշխատակիցները Կոտայքի մարզի Առինջ համայնքի տարածքում ստուգել են Գեղարքունիքի մարզի բնակիչ Հ.Ա.-ի «Զիլ» մակնիշի 15SU064 պետհամարանիշով ինքնաթափ բեռնատարը։

Վարորդը հողի բերրի շերտի տեղափոխման համար համապատասխան փաստաթղթեր չի ներկայացրել:

Կազմվել է վարչական իրավախախտումների վերաբերյալ արձանագրություն, առգրավված 3,0 խմ հողի բերրի շերտը հանձնվել է Աբովյան համայնքի կոմունալ բաժնին: