Երևանում բնակիչը վնասել է իր ավտոտնակի տակով անցնող 150 մմ տրամագծով ջրագիծը
Երևանի Նոր Նորքի 4-րդ զանգվածի Գյուլիքյոխվյան 37 շենքի հարևանությամբ ջրհեղեղ է:
«Վեոլիա ջուր» ընկերությունը տեղեկացնում է, որ ջրագծի վրա կառուցված ավտոտնակի տերը շինարարական աշխատանքներ կատարելիս ջադել է ավտոտնակի տակով անցնող 150մմ տրամագծով ջրագիծը: Ջուրը վայրկենապես հեղեղել է ավտոտնակը ու դուրս թափվել փողոց:
««Վեոլիա ջուր ՓԲԸ «Հյուսիս» շահագործման տեղամասը ստիպված է փակել ողջ տարածաշրջանը սնուցող ջրատարը, դրանով իսկ իր կամքից անկախ ջրազրկելով 4-րդ զանգվածի ու Ջրվեժ գյուղի բնակիչներին: Հազարավոր քաղաքացիներ հիմա մնացել են անջուր՝ ապօրինի կառուցված ավտոտնակում ապօրինի գործողության պատճառով: «Հյուսիսը» բան ու գործ թողած ստիպված սկսել է վթարի վերացման աշխատանքներ»,- նշված է ընկերության տարածած հաղորդագրությունում:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել