HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Քաշաթաղում հակահամաճարակային միջոցառումները շարունակվում են

Քաշաթաղի շրջանի վարչակազմի ղեկավար Ստեփան Սարգսյանը հայտնում է, որ շրջանում հակահամաճարակային միջոցառումները շարունակվում են: Ֆեսբուքյան իր էջում նա դիմել շրջանի բնակիչներին: 

« • Հարգելի՛ քաշաթաղցիներ, արդեն բուժման նպատակով Երևան տեղափոխված հաստատված վարակակիր կնոջ ընտանիքի անդամի թեստի պատասխանը հայտնի է։ Ցավոք, այն դրական է (վարակված կորոնավիրուսով)։ Նշված անձը նախքան թեստավորումը գտնվում էր մեկուսացման մեջ, ինչը նվազեցնում է հավանական վարակվածների շրջանակը։ Սա Քաշաթաղում նոր կորոնավիրուսով վարակված երկրորդ անձն է։

• Այս պահին չունենք կորոնավիրուսի վարակման ախտանիշներով մեկուսացված նոր բնակիչներ, սակայն ավելի նպատակահարմար ենք գտել սահմանափակել բոլոր տեսակի շփումները Քաշաթաղի հյուսիսարևմտյան թևի երեք համայնքների՝ Միրիկի, Մոշաթաղի և Ծիծեռնավանքի հետ։ Նշված համայնքների բնակիչների սննդի և պարենային այլ մթերքների հարցը հոգալու ենք մենք։
• Գոհունակությամբ պետք է հայտնեմ, որ այսօր արդեն իսկ սնունդով և առաջին անհրաժեշտության իրերով բեռնված անդրանիկ մեքենան ճանապարհել ենք Միրիկ։ Իմ կարգադրությամբ՝ կարգավորված է նույնիսկ անասնակերի հարցը։ Աջակցության այս ծրագիրը շարունակվելու է այնքան, մինչև ավարտվի նշված համայնքների մեկուսացման գործընթացը։
• Հավատացնում եմ, որ ջանք չենք խնայում և չենք խնայելու, որ ձեր մեկուսացումը չխանգարի ձեր բնականոն կյանքին։ Կրկին անգամ հորդորում եմ լուրջ վերաբերվել համավարակին և հետևել բոլոր անհրաժեշտ ցուցումներին»,- գրառման մեջ նշել է վարչակազմի ղեկավարը։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter