Մարտի 7-ին` ժամը 16:15-ին, «Արմենիա -Մարիոթ» հյուրանոցի «Փառանձեմ» դահլիճում կհրավիրվի ասուլիս՝ նվիրված Վերակառուցման և զարգացման եվրոպական բանկի ներկայացուցիչների՝ Երևան կատարելիք այցին:

Այցի նպատակը Հայաստանի տնտեսության ու երկրում ՎԶԵԲ-ի ակնկալվող դերի վերաբերյալ թարմ տեղեկություն ստանալն է: Այցը կկայանա ՎԶԵԲ-ի՝ Հայաստանի մասով 2012-2015 թվականների նոր ռազմավարության համատեքստում, որում հաստատվում է երկրի կայուն զարգացման օժանդակությունը շարունակելու բանկի անփոփոխ մտադրությունը՝ ֆինանսական սեգմենտի և մասնավոր հատվածի ուժեղացման, այդ թվում՝ փոքր և միջին բիզնեսի աջակցության համար: