Տեսանյութեր
Լուսանկարներ
Անվտանգության խորհրդի գրասենյակի հաղորդագրությունը պաշտպանական ոլորտի բարեփոխումներ իրականացնող միջգերատեսչական հանձնախումբի վերաբերյալ
Անվտանգության խորհրդի գրասենյակը հաղորդագրություն է տարածել վարչապետի որոշմամբ հաստատված պաշտպանական ոլորտի բարեփոխումներ իրականացնող միջգերատեսչական հանձնախումբի վերաբերյալ։ Այն ներկայացնում ենք ստորեւ։
«Հայաստանի Հանրապետության վարչապետի որոշմամբ հաստատվել է «Պաշտպանական ոլորտի բարեփոխումներ իրականացնող, ներառյալ՝ արատավոր երևույթների դեմ պայքարի արդյունավետությունը բարձրացնող միջգերատեսչական հանձնախումբ ստեղծելու, հանձնախմբի կազմը և գործունեության կարգը»:
Որոշման համաձայն՝ ՀՀ Անվտանգության խորհրդի քարտուղարի ղեկավարության ներքո ստեղծվում է պաշտպանական ոլորտի բարեփոխումներ իրականացնող, ներառյալ՝ արատավոր երևույթների դեմ պայքարի արդյունավետությունը բարձրացնող միջգերատեսչական հանձնախումբ:
Հանձնախմբի խնդիրներն են Հայաստանի Հանրապետության պաշտպանական ոլորտում առկա խնդիրների վերհանումը, դրանց պատճառների բացահայտումը, հետևանքների կանխարգելումը, ռիսկերի նվազեցումը և պաշտպանական ոլորտի բարեփոխումների իրականացման ուղղությամբ առաջարկությունների ներկայացումը:
Անվտանգության խորհրդի քարտուղարին հանձնարարվել է եռամսյակը մեկ հանձնախմբի աշխատանքների մասին հաշվետվություն ներկայացնել Հայաստանի Հանրապետության վարչապետին», - ասված է հաղորդագրության մեջ:
Մեկնաբանել