«Հետաքննող լրագրողներ» ՀԿ-ն փնտրում է մասնագետների, որոնք Հետք Մեդիա Գործարանում կդասավանդեն հետևյալ առարկաները՝

• հետաքննական լրագրություն, 
• փաստերի ստուգում, 
• տվյալների լրագրություն,
• տվյալների վիզուալացում,
• ֆոտոլրագրություն,
• վիդեոլրագրություն,
• մոբայլ լրագրություն,
• անիմացիա,
• էթիկա և մեդիա օրենսդրություն։

Տևողություն՝ մեկ ակադեմիական տարի (սեպտեմբեր 1, 2020 – մայիս 31, 2021)

Վայր՝ Երևան, Նալբանդյան 106/1, Հետք Մեդիա Գործարան

Աշխատանքային պարտականություններ՝

• Դասավանդվող առարկայի ուսումնական պլանի մշակում` ըստ Մեդիա Գործարանի ուսումնական ծրագրի,
• Շաբաթական երկու դասընթացի վարում (1 դասաժամը՝ 80 րոպե),
• Ուսանողների կատարած հանձնարարությունների ստուգում, գնահատում, անցկացում տվյալների բազա,
• Մասնագիտական աջակցության տրամադրում ուսանողներին և Մեդիա Գործարանի շահառուներին՝ ըստ նախապես մշակված ժամատախտակի 
• Հաշվետվության ներկայացում՝ ամսական կտրվածքով, 
• Մասնակցություն Մեդիա Գործարանի աշխատանքային հանդիպումներին և ժողովներին,
• Համագործակցություն Մեդիա Գործարանի այլ դասախոսների և աշխատակիցների հետ՝ առարկաների փոխկապակցվածությունն ապահովելու համար,
• Շարունակական իրազեկվածություն ոլորտի նորարարությունների վերաբերյալ:

 Պահանջվող որակավորումներ՝ 

• Բարձրագույն կրթություն (արտասահմանյան բուհերում սովորած կամ վերապատրաստված լինելը կդիտարկվի որպես առավելություն),
• Նյութը պարզ և հստակ բացատրելու կարողություն,
• Հետազոտական կարողություններ,
• Google G-Suite-ով (Google Classroom, Google Docs, Spreadsheets և այլն) աշխատելու պատրաստակամություն,
• Հայերեն և անգլերեն լեզուների իմացություն (այլ լեզվի իմացությունը ցանկալի է),
• Ճկուն աշխատանքային գրաֆիկով աշխատելու կարողություն,
• Հաղորդակցվելու և թիմում աշխատելու պատրաստակամություն։

 Ընտրություն՝ 

1. նախնական դիմում-հայտերի ընտրություն, 
2. հարցազրույց, 
3. ուսուցման մեթոդի ցուցադրություն (թեկնածուներն ընտրող հանձնաժողովի համար վարելու են մոտ 15 րոպե տևողությամբ փորձնական դասընթաց՝ իրենց առարկայի շրջանակում), 
4. վերջնական ընտրություն և հաստատում։

 Դիմելու կարգ՝

Պահանջներին համապատասխանող բոլոր թեկնածուներին խնդրում ենք լրացնել հետևյալ հայտը մինչև ս․թ․ մայիսի 20-ը ներառյալ։

Հայտերի ընդունման մեկնարկ՝ ապրիլի 20, 2020

Հայտերի ընդունման վերջնաժամկետ՝ մայիսի 20, 2020

Հետք Մեդիա Գործարանը կրթվել և ստեղծագործել սիրող անձանց համար համագործակցության վայր է, որտեղ ստեղծվում է նորարարական մեդիա արտադրանք։ Նախագծի նպատակն է մեդիայի, արվեստի, գիտության և տեխնոլոգիայի համատեղման միջոցով հայթայթել պատմությունը բազմակողմանիորեն, վերլուծված և ազդեցիկ պատմելու տարբերակներ։ 

Նախագիծն իրականացնում է «Հետաքննող լրագրողներ» հասարակական կազմակերպությունը։ Նախագիծը ֆինանսավորվում է ԱՄՆ պետքարտուղարության Հասարակայնության հետ կապերի գրասենյակի դրամաշնորհի շրջանակներում: 

Հարցերի դեպքում կարող եք զանգահարել +374 44 20 20 48 հեռախոսահամարով կամ գրել հետևյալ էլ. փոստին՝ [email protected]։