Ապրիլի 22-ին Բնապահպանության և ընդերքի տեսչական մարմնի աշխատակիցները (ԲԸՏՄ) ստուգայցեր են կատարել Արագածոտնի մարզի Ապարանի ջրամբարի, Արարատի մարզի Զովաշենի ջրամբարի և Արմավիրի մարզի ջրային տարածքներում։

Ինչպես հաղորդում է տեսչական մարմինը, Արմավիրի մարզում արձանագրված ձկնագողության երկու դեպքով առգրավվել են 850 մետր ձկնորսական դնովի ցանցեր՝ Երասխահուն գյուղի հարակից լճերից՝ 600 մետր, Ջրառատ գյուղի հարակից լճերից՝ 250 մետր։ Հայտնաբերվել և առգրավվել է նաև մեկ ինքնաշեն փչովի ռետինե նավակ։

«Իրավախախտները կենթարկվեն համապատասխան պատասխանատվության»,- ընդգծում է տեսչական մարմինը։