Կադաստրի կոմիտեն տեղեկացնում է, որ կոմիտեի սպասարկման բոլոր գրասենյակները, բացառությամբ «Վարդենիս» սպասարկման գրասենյակի, ապրիլի 28-ից կվերսկսեն աշխատանքները։

Գրասենյակներում ընդունվում են միայն դիմումների հետևյալ տեսակները.

• Գույքի նկատմամբ իրավունքների և սահմանափակումների պետական գրանցման,
• Իրավունքի դադարման պետական գրանցման,
• Անշարժ գույքի հասցեի գրանցման,
• Անվանափոխման վերաբերյալ գրառման կատարման,
• Գույքի նկատմամբ գրանցված իրավունքների առկայության մասին,
• Ներկայացված փաստաթղթերի հետ վերադարձի,
• Նոր վկայականի տրամադրման,
• Սխալների ուղղման,
• Վարույթի դադարեցման,
• Փաստաթղթերի պատճենների տրամադրման։

Բացի վերոնշյալ տեսակի դիմումներից, մնացած դիմումներն առայժմ կընդունվեն www.e-cadastre.am էլեկտրոնային կայքի միջոցով։

Այն անձանց, ովքեր ունեն փաստաթղթերը էլեկտրոնային եղանակով ստորագրելու հնարավորություն, Կադաստրի կոմիտեն հորդորում է բոլոր դիմումներն անխտիր ներկայացնել www.e-cadastre.am էլեկտրոնային կայքի միջոցով։

Միաժամանակ Կադաստրի կոմիտեն տեղեկացնում է, որ ներկայացված դիմումների հիման վրա կազմված բոլոր ավարտական փաստաթղթերը (բացառությամբ` պատճենների և հետ վերադարձված փաստաթղթերի) հնարավոր է ստանալ միայն www.e-cadastre.am էլեկտրոնային կայքի միջոցով։

Էլեկտրոնային եղանակով դիմումներ ներկայացնելիս առաջացած հարցերի դեպքում քաղաքացիները կարող են զանգահարել հետևյալ հեռախոսահամարներով՝ 060-474207, 060-474205: