HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

«Հոգնած» ու «տրյապկա» բառերով Էդմոն Մարուքյանն ու Ալեն Սիմոնյանը վիճաբանեցին Ազգային ժողովում

Խորհրդարանի արտահերթ նիստում բանավեճ ծավալվեց ԱԺ փոխխոսնակ Ալեն Սիմոնյանի և «Լուսավոր Հայաստան» խմբակցության պատգամավորների միջև: Ամեն ինչ սկսվեց երբ «Լուսավոր Հայաստան» խմբակցության պատգամավոր Անի Սամսոնյանը կասկածի տակ առավ Ալեն Սիմոնյանի դերը, ինչից հետո քաղաքական մեծամասնության պատգամավորները սկսեցին ելույթներով հանդես գալ` ի աջակցություն Ալեն Սիմոնյանի: Ի վերջո ելույթով հանդես եկավ Սիմոնյանը:

«Տիկին Սամսոնյան, ներողություն եմ խնդրում, բայց ես ամուսնացած եմ, առաջարկում եմ իմ մասին ավելի քիչ խոսել, դա տգեղ է դիտվում, բայց ես Ձեզ չեմ պատասխանելու, ես պատասխանելու եմ Ձեր փեշի հետևում թաքնված Էդմոն Մարուքյանին` մեկ Գորգիսյանին է խնդրում, որ տեղը ելույթ ունենա, մեկ Ձեզ է խնդրում»,-ասաց Սիմոնյանը:

Սիմոնյանի խոսքով` այս ամենի պատճառն այն է, որ ինքը Միքայել Մինասյանի մասին խոսել է, դա էլ վրդովեցրել է Մարուքյանին:

«Երբ լսեցի, որ թիմի մասին խոսում եք, հիշեցի 2018 թվականի ապրիլի 16-ը, երբ ես իմ ընկերների հետ ու շատերը մահանալուց պրծան, ես ձեզ գրում էի «Ելք» խմբակցության խմբի մեջ, ասում էի` խնդրում եմ դուրս եկեք փողոց, ձեզանից որևէ մեկը դուրս չեկավ: Իսկ էդ ժամանակ Էդմոն Մարուքյանն ընդդիմության տեսլիք ստեղծելու համար, որ Սերժ Սարգսյանն ընտրվի, առնվազն 15 անգամ պարոն Սարգսյան էր ասում: Դրա մասին կխոսենք հետո, ես կպատմեմ շատ բաներ, որոնք գիտեմ, թե ինչի է էդպես եղել»,-ասաց Սիմոնյանը:

Անի Սամսոնյանը տեղից արձագանքեց` իրենք էլ պատմելիք ունեն, Սիմոնյանը կոչ արեց անպայման պատմել:

Տեղից խոսում էր նաև Էդմոն Մարուքյանը, սակայն ձայնը լսելի չէր, ապա Սիմոնյանը կոչ արեց Դուք-ով խոսել:

«Կեթաս Միշիկիդ հետ դու-ով կխոսես»,-ասաց Սիմոնյանը:

«Միշիկը քո ախպերն ա, այ հոգնած»,-տեղից գոռաց Էդմոն Մարուքյանը:

«Հոգնածը դու ես, հանգստացի»,-պատասխանեց Ալեն Սիմոնյանը:

ԱԺ նախագահ Արարատ Միրզոյանը կոչ արեց հանդարտվել:

«Հանգստացի, քաղաքական տրյապկա»,-շարունակեց Սիմոնյանը:

«Անբարոյականի վաստակ»,-պատախանեց Մարուքյանը:

Միրզոյանը փորձում էր հանդարտեցնել կողմերին, սակայն դահլիճում աղմուկ էր:

«Սա խորհրդարան է, պետք է պահել պատգամավորի ինստիտուտի հանդեպ հարգանքը»,-ասաց Միրզոյանը:

Լրացում: 19:50

Վիճաբանությունից մոտ մեկ ժամ անց ԱԺ փոխխոսնակ Ալեն Սիմոնյանը ներողություն խնդրեց քաղաքացիներից:

«Ես ուզում եմ հայցել ձեր ներողամտությունն այն տեսարանի համար, որին դուք ականատես եղաք, որտեղ ես ստիպված եղա ներքաշվել այդ «բանավեճի» մեջ: Կարծում եմ եզրակացությունները կանեք դուք, այնուամենայնիվ ճիշտ եմ համարում ֆիքսել, որ ես ՀՀ քաղաքացիներից ներողություն եմ խնդրում, որ իրենք ականատես եղան նման տեսարանի»,-ասաց նա:

Մեկնաբանություններ (1)

Սուրեն Պետրոսյան
Եզրակացություններ արեցինք եւ եկանք այն եզրակացության, թե ինչպես կարող էր ձեր նման մեկը հայտնվել այդտեղ:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter