HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Կարենիսի նախկին ղեկավարին մեղադրանք է առաջադրվել պաշտոնեական լիազորություններն առերևույթ չարաշահելու համար

Կոտայքի մարզի Կարենիս համայնքի նախկին ղեկավարը, առերևույթ պաշտոնեական դիրքն օգտագործելով ծառայության շահերին հակառակ, որպես համայնքի ղեկավար` 2011թ. մայիսի 5-ին Աբովյան քաղաքի բնակչի հետ կնքել է անշարժ գույքի վարձակալության պայմանագիր, որով վերջինս Կարենիս համայնքից վարձակալել է համայնքի վարչական տարածքում գտնվող գյուղատնտեսական նշանակության արոտավայր հանդիսացող 0.02 հա  մակերեսով հողատարածքը՝   25 տարի ժամկետով՝ տարեկան 100.000 դրամ վարձավճարով: Այնուհետև`  2011թ. հունիսի 8-ին 5 տարի ժամկետով  կնքված ենթավարձակալության պայմանագրով Աբովյան քաղաքի բնակիչը  նշված 0.02 հա  մակերեսով հողատարածքն ամսական 65.000 դրամ վարձավճարով  հանձնել է ՓԲԸ-ի՝ ենթավարձակալության:

«Արոտավայր» նշանակության հողատարածքում տեղադրվել են ալեհավաք կայաններ։ Այսինքն՝ նշված ժամանակահատվածում ենթավարձակալի կողմից վարձակալին ընդհանուր առմամբ վճարվել է շուրջ 5.440.000 ՀՀ դրամ, և Կոտայքի մարզի Կարենիս համայնք չի վճարվել ընդհանուր առմամբ 4.896.000 դրամ՝ համայնքի համար առաջացնելով ծանր հետևանքներ։

Վերը նշված փաստական տվյալները ձեռք է բերել Քննչական կոմիտեն, որի Կոտայքի մարզային քննչական վարչության Չարենցավանի քննչական բաժնում՝ վարչապետի աշխատակազմի տարածքային զարգացման և շրջակա միջավայրի հարցերի վարչության և Կադաստրի կոմիտեի համատեղ ուսումնասիրության արդյունքներով, պետական վերահսկողական ծառայության իրականացրած մշտադիտարկման արդյունքում կազմված տեղեկանքի և կից փաստաթղթերի հիման վրա նյութեր են նախապատրաստվել։ 

Ինչպես հայտնում է ՔԿ տեղեկավության եւհասարակայնության հետ կապերի վարչությունը, դեպքի առթիվ Քննչական կոմիտեի Կոտայքի մարզային քննչական վարչության Չարենցավանի քննչական բաժնում հարուցվել է քրեական գործ՝ ՀՀ քրեական օրենսգրքի 308-րդ հոդվածի (պաշտոնեական լիազորությունները չարաշահելը) 2-րդ մասի հատկանիշներով:

Ձեռք բերված բավարար ապացույցների համակցությամբ՝ Կարենիս համայնքի նախկին ղեկավարին մեղադրանք է առաջադրվել՝ պաշտոնեական լիազորություններն առերևույթ չարաշահելու  համար: Նրա նկատմամբ որպես խափանման միջոց ընտրվել է ստորագրություն՝ չհեռանալու մասին:

Նախաքննության ընթացքում Աբովյան քաղաքի բնակչի կողմից, որպես պատճառված վնասի  փոխհատուցում, վերականգնվել է 1.000.000 ՀՀ դրամ: 

Քրեական գործով նախաքննությունը շարունակվում է:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter