Տեսանյութեր
Լուսանկարներ
Սամվել Ալեքսանյան. «Բա բիզնես ո՞վ պետք ա անի, որ կինս առաջադրվի» (վիդեո)
«Մի օր Գոհար Վեզիրյանն է առաջադրում, մի օր Հեղինեն է առաջադրում, մի օր Աղասի Արշակյանն է առաջադրում, հիմա ով ինչ ասի` պիտի գաք ինձնից հարցնե՞ք»,-այսպես արձագանքեց Սամվել Ալեքսանյանը լրագրողների այն հարցին, թե ինչպես է վերաբերում այն լուրերին, որ նույն ընտրատարածքում ԱԺ պատգամավոր ընտրվելու համար պայքարելու է լրագրող Գոհար Վեզիրյանի հետ: «Սաղ քաղաքը, սաղ հանրապետությունը թող բերեն դնեն իմ դեմ»,-հայտարարեց պատգամավորը:
Սամվել Ալեքսանյանն ասաց, որ օրենքը թույլ է տալիս, հետեւաբար ցանկացած ոք կարող է առաջադրվել, իսկ ինքը «ոչ մեկից չի վախենում»: Սամվել Ալեքսանյանն ասաց, որ այն համայնքում, որտեղից պատգամավոր է ընտրվել (թիվ 7 ընտրատարածք՝ Մալաթիա եւ Աջափնյակ) 5 տարվա ընթացքում միշտ էլ գումարներ ծախսել է եւ ընտրությունից ընտրություն չէ, որ պիտի գումար ծախսի:
Լրագրողներից մեկի հարցին, թե հնարավո՞ր է, որ կնոջն էլ պատգամավորության թեկնածու առաջադրի, Ս. Ալեքսանյանը պատասխանեց. «Չէ, բա բիզնես ո՞վ պետք ա անի, որ կինս առաջադրվի: Երեխեքը որ մեծանան` կարող ա, ամեն ինչ հնարավոր ա այս կյանքում»:
Սամվել Ալեքսանյանն ասաց` քանի որ ինքը բիզնեսով չի զբաղվում, կինն է իրեն ֆինանսապես օգնում. «Ինչով կարողանում ա, օգնում ա»,-ասաց պատգամավորը:
Մեկնաբանություններ (5)
Մեկնաբանել