ՀՀ մշակույթի նախարարությունը հայտարարում է «Իմ և մեր հաղթանակները» թեմայով լուսանկարչական մրցույթ մայիսի 9-ի եռատոնի՝ Հաղթանակի օրվա, Շուշիի ազատագրման 20-ամյակի և Արցախի պաշտպանի օրվա տոնակատարությունների շրջանակներում:

Մրցույթին ներկայացված լավագույն աշխատանքները կընտրվեն բաց ցուցադրությունով և կմասնակցեն մայիսին կազմակերպվելիք հաղթանակների եռատոնին նվիրված ցուցահանդեսին:

Մրցույթին կարող են մասնակցել պրոֆեսիոնալ և սիրողական լուսանկարիչներ:

Հաղթողներին կհանձնվեն դրամական պարգևներ.

1-ին տեղ՝ 200 հազար դրամ,
2-րդ տեղ՝ 100 հազար դրամ,
3-րդ տեղ՝ 50 հազար դրամ:

Աշխատանքների ընդունման վերջնաժամկետն է ապրիլի 5-ը: Մրցույթի հաղթողները հայտնի կդառնան ապրիլի 15-ին: Աշխատանքները պետք է ներկայացնել մշակույթի նախարարության աշխատակազմի ժամանակակից արվեստի վարչություն (Երևան, Հանրապետության հրապարակ, Կառավարական տուն 3, հեռ.՝ 52 19 72):

Լուսանկարը՝ Հակոբ Պողոսյանի