Մալաթիա-Սեբաստիայում ծավալվող լուրերի համաձայն՝ օլիգարխ Սամվել Ալեքսանյանին պատկանող ձեռնարկությունների աշխատողներից պահանջում են որոշակի թվով անձնագրային տվյալներ ներկայացնել: Մասնավորապես, շարքային աշխատողներին՝ վաճառողներին կամ բանվորներին, ասվել է, որ նրանցից յուրաքանչյուրը պետք է 35 հոգու անձնագրային տվյալ ներկայացնի: Անհրաժեշտ  անձնագրային տվյալների թիվը, ըստ աշխատողների ունեցած դիրքի, բարձրանում է 100-ի, 200-ի եւ այսպես շարունակ: Ըստ նույն լուրերի՝ այս գործընթացը ղեկավարում է Սամվել Ալեքսանյանի կինը՝ Շողերինա Մկրտչյանը. նա է անձնագրային տվյալների «պլանները» սահմանում եւ վերահսկում, որպեսզի դրանք իրականացվեն: