«Հայացք». «հորաքույր Ալվարդ Պետրոսյան» արտահայտությունը «կեղտո՞տ բան է»
Մեր թերթի նախորդ համարում մենք փոքրիկ լուր էինք տպագրել, որում մասնավորապես ասված էր. «Այս շաբաթավերջին երեք-չորս երգիչ-երգչուհիներ կանդամագրվեն ՀՀԿ-ին կամ առանց անդամագրվելու կհայտնվեն նախընտրական ցուցակի անցողիկ տեղերում: Առաջինը երգչուհի Շուշան Պետրոսյանն է: Դե գերդաստանից մեկը հաստատ պետք է պատգամավոր լինի: Ինչպես հայտնի է, Շուշանի հորաքույր Ալվարդ Պետրոսյանը հաջորդ խորհրդարանում չի լինելու»:
Այս սովորական լուրին ի պատասխան երգչուհի Շուշան Պետրոսյանը, ամբողջությամբ հաստատելով լուրը, tert.am-ին վրդովված ասել է. «Ո՞նց կարելի է սենց կեղտոտ բան գրել... Նենց կուզեի նայել էդ գրողի աչքերին ու հարցնել` լավ է՞ս քնել, ինչ է թե հերթական թույն ես բաց թողել»:
Հարգելի Շուշան Պետրոսյան, անցած գիշեր շատ լավ քնել ենք, որովհետև չգիտեինք, որ «թույն ենք բաց թողել»: Բայց այս գիշեր երևի քուններս չտանի, որովհետև ողջ գիշեր բառարաններում փնտրելու ենք, որպեսզի գտնենք և համոզվենք, թե արդյոք «հորաքույր Ալվարդ Պետրոսյան» արտահայտությունը «կեղտո՞տ բան է», ինչպես Դուք եք ասում, արդյոք հայհոյա՞նք է այն: Ուրիշ փնտրելու բան չունենք, որովհետև լուրն ամբողջությամբ հաստատել եք: Մեր կարծիքով` այդտեղ ոչ մի վիրավորական բան չկա, Ալվարդ Պետրոսյանը կարգին գրող է:
Բարի երթ Ձեզ դեպի խորհրդարան:
«Կեղտոտ» ու «թույն» բառերը կօգտագործեք այնտեղ: Առիթներ շատ կունենաք:
Մեկնաբանություններ (3)
Մեկնաբանել