Երևանի ընդհանուր իրավասության դատարանում այսօր՝ հունիսի 17-ին, տեղի ունեցավ «Բարգավաճ Հայաստան» կուսակցության նախագահ Գագիկ Ծառուկյանին կալանավորելու վերաբերյալ Ազգային անվտանգության ծառայության միջնորդության քննությունը:

Դատական նիստը հետաձգվեց․ պաշտպանները միջնորդել էին հետաձգել այն գործի նյութերին ծանոթանալու համար, քանի որ նոր են ներգրավվել գործում։

Գագիկ Ծառուկյանին կալանավորելու վերաբերյալ միջնորդության քննությունը կշարունակվի հունիսի 18-ին՝ ժամը 16:30-ին։