Եթե, իհարկե, միկրովիրաբույժ Արտավազդ Սահակյանը որոշի մեծամասնականով իր թեկնածությունը դնել Տավուշում

Ըստ մամուլում շրջանառվող լուրերի` հայտնի միկրովիրաբույժ Արտավազդ Սահակյանին նոյեմբերյանցիներն առաջարկել են թիվ 40 ընտրատարածքում դնել իր թեկնածությունը, որտեղից պատգամավոր է դարձել ու մի անգամ էլ է փորձում դառնալ Միքայել Վարդանյանը:

Մեր հարցմանն ի պատասխան Արտավազդ Սահակյանն ասաց, որ դեռ մի քանի օր մտածելու ժամանակ ունի:

Բայց եթե հանկարծ նա դնի իր թեկնածությունը, «Գրանդ Տոբակոն» խիստ կանհանգստանա: Որովհետև չնայած մեծ ներդրումներ է անում, մեծ փողեր է ծախսում այս տարածքում ու բոնբոներկա է բաժանում, բայց ընտրվելու հավանականությունը խիստ փոքր կլինի:

Արտավազդ Սահակյանն այդ տարածքում եզակի սիրված ու ընդունված կերպար է: Եթե «Գրանդ Տոբակոն» ինչ-որ բաներ է բաժանում ժողովրդին, ապա բժիշկ Սահակյանը հազարավոր կյանքեր է «նվիրել» հիվանդներին` առանց որևէ ակնկալիքի:

Լուս.` tesankyun.am-ից