«Բարգավաճ Հայաստան», Հայ Յեղափոխական Դաշնակցություն և «Հայրենիք» կուսակցությունների ստեղծած աշխատանքային խումբը հայտարարություն է տարածել, որով հայտնում է, որ վաղը՝ հունիսի 30-ին, հանցագործության մասին երեք կուսակցությունները հաղորդում կներկայացնեն գլխավար դատախազություն՝ պահանջելով քրեական գործ հարուցել օրենսդիր իշխանության ներկայացուցիչների և բարձրաստիճան պաշտոնատար այլ անձանց հանցակցությամբ առանձնապես ծանր հանցանքներ կատարելու փաստերի առթիվ:

Աշխատանքային խմբի լիազոր ներկայացուցիչները հունիսի 30-ին, ժամը 10:00-ին գլխավոր դատախազություն առձեռն կհանձնեն երեք կուսակցությունների համատեղ հաղորդումը հանցագործության մասին։

Հաղորդման հիմքում դրված փաստերի և իրավական հիմնավորումների մասին մանրամասները երեք կուսակցություններրը ներկայացնելու են վաղը՝ գլխավոր դատախազության մուտքի մոտ։