Հուլիսի 1-ից Գյումրի-Երևան-Գյումրի ուղերթերը սպասարկելու են ԷՊ2Դ տիպի գնացքները
«Հարավկովկասյան երկաթուղի» ընկերության հանրային կապերի բաժինը տեղեկացնում է, որ հուլիսի 1-ից №686/685 էլեկտրագնացքների ուղերթերը Գյումրի-Երևան-Գյումրի ուղղությամբ կկազմակերպվեն նոր ԷՊ2Դ տիպի գնացքներով` հետևյալ ժամանակացույցով.
- Երևան-Գյումրի երթուղու №686 էլեկտրագնացք՝ մեկնումը Երևանի երկաթուղային կայարանից ամեն օր` ժամը 14:25-ին, ժամանումը Գյումրի՝ 17:30-ին,
- Գյումրի-Երևան երթուղու №685 էլեկտրագնացք՝ մեկնումը Գյումրու երկաթուղային կայարանից ամեն օր` ժամը 18:15-ին, ժամանումը Երևան՝ 21:23-ին:
Գնացքներն աշխատելու են կանգառներով: Մանրամասն չվացուցակին կարող եք ծանոթանալ «Հարավկովկասյան երկաթուղի» ընկերության կայքում:
Կորոնավիրուսային վարակի տարածումը կանխարգելելու համար գնացք նստելուց առաջ Ընկերությունը խնդրում է ախտահանել ձեռքերը հատուկ միջոցներով, կրել պաշտպանիչ դիմակներ ուղևորության ընթացքում և պահպանել սոցիալական հեռավորությունը:
Մեկնաբանել