HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Արենի, Չիվա և Ռինդ գյուղերի միջնամասում բռնկված հրդեհը մարվել է. այրվել է 70 հա խոտածածկույթ և 1 էլեկտրասյուն

Արտակարգ իրավիճակների նախարարությունը հայտնում է, որ հուլիսի 5-ին` ժամը 20:29-ին, Ճգնաժամային կառավարման ազգային կենտրոն ահազանգ է ստացվել, որ Արենի, Չիվա և Ռինդ գյուղերի միջնամասում այրվում է խոտածածկ տարածք։

Դեպքի վայր է մեկնել ԱԻՆ ՓԾ Վայոց ձորի մարզային փրկարարական վարչության հրշեջ-փրկարարական ջոկատներից երեք մարտական հաշվարկ և մարզային փրկարարական վարչության երեք օպերատիվ խումբ։

Ուժեղ քամի էր, ինչը կարող էր նպաստել հրդեհի տարածմանը դեպի գյուղի այգիներ։

Ժամը 21:17-ին հայտարարվել է հավաք. հրդեհաշիջման աշխատանքներին ներգրավվել են ընդհանուր թվով 29 փրկարար ծառայող և տեղի 40 բնակիչներ, որոնց համատեղ ջանքերի շնորհիվ կանխվել է հրդեհի տարածումը դեպի այգիներ:

Նախնական տվյալներով այրվում է մոտ 30 հա խոտածածկ տարածք։

Ժամը 23:43-ի դրությամբ հրդեհը մեկուսացվել է։ Մթության պատճառով աշխատանքները դադարեցվել են. տեղում իրականացվել է հերթապահություն։

Հուլիսի 6-ին` ժամը 05։30-ին, հրդեհաշիջման աշխատանքները վերսկսվել են․ ժամը 05։52-ին հրշեջ-փրկարարները մարել են հրդեհը։

Այրվել են մոտ 70 հա խոտածածկույթ և մեկ էլեկտրական սյուն։

Հրդեհաշիջման աշխատանքներին մասնակցել են Ռինդ, Չիվա և Արենի գյուղերի 40 բնակիչ:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter