Ոստիկանությունը նախատեսում է կառավարության որոշմամբ ամրագրել, որ ավտոմեքենաների համար մեծ պահանջարկ ունեցող կամ ցանկալի համարանիշերի տրամադրումից գանձվող գումարները մուտքագրվելու են պետական բյուջե։

Ոստիկանությունը նման նախագիծ է հանրային քննարկման ներկայացրել իրավական ակտերի նախագծերի հրապարակման կայքում:

Նշենք, որ ավտոմեքենաների համար մեծ պահանջարկ ունեցող, ցանկալի հաշվառման համարանիշերի տրամադրումից գանձվող գումարներ մուտքագրվում էին ճանապարհային ոստիկանության արտաբյուջետային հաշվին:

«Որոշման նախագծի ընդունմամբ կապահովվի պետության կողմից օրենսդրությամբ սահմանված վճարովի ծառայությունների պատշաճ իրականացումը»,-հայտնել է ոստիկանությունը