Խորհրդարանը երկրորդ ընթերցմամբ և ամբողջությամբ ընդունեց «Զինվորական ծառայության և զինծառայողի կարգավիճակի մասին» օրենքում փոփոխություններ կատարելու՝ «Իմ քայլը» խմբակցության պատգամավոր Սոֆիա Հովսեփյանի նախագիծը: Այն ընդունվեց միաձայն` 86 ձայնով:

Ըստ նախագծի` զոհված (մահացած) զինծառայողների կամ 1-ին և 2-րդ կարգի հաշմանդամության կարգ ունեցող զինծառայողների ծնողների, այրու, մինչև 27 տարեկան զավակների ուսումնառությունը պետական բուհերում կիրականացվի բյուջեի միջոցների հաշվին: