Տեսանյութեր
Լուսանկարներ
20 համայնք տրակտոր ձեռք կբերի առանց աճուրդի
Կառավարությունն այսօր փոփոխել և լրացել է ավելի վաղ ընդունված «Ճապոնիայի կառավարության «Սակավապահով ֆերմերների համար դրամաշնորհային աջակցություն» 10-րդ ծրագրով ՀՀ ներկրված գյուղատնտեսական տեխնիկան տնօրինելու մասին» որոշումը:
Դրա շնորհիվ, ինչպես հայտնում են կառավարության մամլո գրասենյակից, հանրապետության հիմնական սերմարտադրող կազմակերպությունները և սոցիալ-տնտեսական առավել ծանր վիճակում գտնվող 20 համայնք տրակտոր ձեռք կբերի առանց աճուրդի, սահմանված գնով։
Միաժամանակ կառավարությունը հավանություն է տվել «Գյուղատնտեսական տեխնիկայի շահագործման մասին» ՀՀ օրենքում փոփոխություններ կատարելու օրենքի նախագծին:
Դրանով առաջարկվում է վերացնել գյուղտեխնիկայի պարտադիր տեխնիկական զննություն անցկացնելու օրենքով սահմանված պահանջը` գյուղացուն հնարավորություն ընձեռելով խուսափել տվյալ գործընթացի համար ֆինանսական միջոցների վատնումից։
Մեկնաբանել