Հուլիսի 12-ին իրականացված արտակարգ ռեժիմով ծառայության ընթացքում ոստիկանությունը հայտնաբերել է արտակարգ դրության իրավական ռեժիմի կանոնների խախտման 3013 դեպք։ Ընդհանուր առմամբ՝ այդ կանոնները խախտելու փաստերով մինչ օրս կազմվել է 93712 արձանագրություն։ Այս մասին հայտնում է ոստիկանության լրատվության ծառայությունը։

Ոստիկանության արտաքին ծառայության ստորաբաժանումների արտակարգ ռեժիմով ծառայությունը շարունակվում է հանրապետության ողջ տարածքում։ Դրան զուգահեռ տարբեր նախարարությունների, գերատեսչությունների, ինչպես և տեղական ինքնակառավարման մարմինների աշխատակիցների հետ իրականացվում են հատուկ միջոցառումներ՝ ապահովելով Պարետի որոշումների պահանջների կատարման նկատմամբ հսկողություն։ Արտակարգ դրության իրավական ռեժիմի կանոնները խախտած անձինք ենթարկվում են օրենքով նախատեսված պատասխանատվության։